Category Archives: UK

London, Southampton & Salisbury UK, 2008

London Bridge

 

Yap! Nimerudi tena London ila safari hii nimekuja bila watoto na experience yangu ilikua tofauti. Tulifikia Hilton Tower Bridge Hotel mambo yalikua yako poa. Nilisema kuwa nitarudi tena maana hii ni London bwana hahaa…naona sikuchukua hata muda mrefu kurudi maana nilikuwepo hapa February na sasa niko hapa September the same year. Tulikaa hapa kwa siku tatu na kuchukua train kuelekea Southampton. Safari hii tulikuja London kwa ajili ya harusi ya mtoto wa kaka yake mume wangu ambayo ilikua inafanyikia Southampton. Along the way to Southampton nilifurahishwa na country side ya nchi hii ni kuzuri na kupendeza sana.

Baada ya kufungwa ndoa wote tulielekea kwenye reception ambayo ilikua inafanyikia kwenye country house iliyopo nje kidogo ya mji, ambapo nasi tulilala hapa.

Harusi ilifanyikia kwenye nice old small church in Southampton. Siku ya kwanza tulilala mjini hapa kwenye B & B na siku iliyofuata ambayo ni siku ya harusi tulihamia kwenye Country House ambapo reception ndio ilikua inafanyikia huko.

Reception ilikua nzuri sote tulifurahi sana. Siku iliyofuata tuliamua kuelekea Salisbury kwenda kuangalia Stonehenge. Nimefurahishwa na Southampton nadhani kama ningekuwa naishi UK  ningechagua kuishi huku pako poa.

Nilifurahi sana nami kufika hapa Stonehenge ambayo ni one of the most famous sites in the world. Inasemekana kuwa ilikuwepo hapo tangu 2,500 BC wanasema hata kabla ya hapo. Ni kweli wanavyosema inashangaza haya mawe yalifikishwaje hapa maana eneo zima la karibu hakuna mawe  kama haya. Hicho ndicho kinanifanya kupenda historia za zamani maana zinakufanya ufikirie kwa undani sana.

Baada ya kushangaa shangaa tulichukua train na kurudi zetu London ambapo tulilala usiku mmoja na siku inayofuata tulikua tunaelekea zetu France.

 

London, UK. Feb, 2008

Around London Tower

 

Imenichukua miaka mingi atimaye kufika hapa. London ilikua ni chaguo langu la kwanza katika miji ya Europe. Swali ni kwamba je, nimekuta kama nilivyokua nafikiria? Nadhani naweza sema hapana labda kwa sababu nimefika hapa baada ya kufika miji mingine ya Europe or kwa sababu nilikuja kipindi kibaya cha winter na labda sababu nilikua na watoto wadogo chini ya miaka 2. Nilikua hapa karibu 2 weeks niliweza tembelea sehemu ikiwemo Buckingham Palace, London Eye, Thames River Boat, London Tower, Harrods kwa some shopping pia kufanya City Tower kwenye London’s famous Red Bus.

Kitu ambacho nilipenda sana ni kuona majengo ya zamani ambapo London wamefanikiwa kuyaacha na kufanya mji uwe na sura yake ya kipekee, safi sana.

Kitu kingine ambacho niligundua hapa ni kwamba mji uko busy sana. Kwa upande wangu napenda kuishi sehemu zilizotulia sana, kwenye miji mikubwa napenda kwenda kutembea kwa muda fulani tu, lakini si kuishi.

Kwa ujumla kipindi hiki sikuenjoy London kabisa kwanza hali ya hewa ilikua ni mambo ya mvua mtindo mmoja. Pili, nadhani London si kwa ajili ya watoto wadogo maana nakumbuka kuna train station nyingine hazina escalator na unatakiwa kutumia ngazi za kawaida, shughuli ilikuwepo kwenye baby pram. Sijui wanaoishi hapa wanafanyaje wakiwa na watoto wadogo kwenye hizo train station, pia kuna mengi tu kama baby changing rooms na kadhalika. Nikilinganisha na nchi nyingine kama Australia wanajali sana vitu kama hivi. Lazima nitarudi tena kutembea kama unavyojua ni London bwana hahaaaa…Cheers London until next time!